[Restoraan]Kubija 90 kotussõga restoraani kujondusõst om kõrraga nätäq, et oltas Võromaal. Restoraanin saa üttemuudu häste süvväq tuu, kiä taht midägi rahvuslikku, ku hariligu restoraanisöögi uutja.

Restoraani sainu pääl ommaq erineväq Lõunõ-Eesti kihlkundõ pruntsikiräq, põrmand om tett Rõugõ kihlkunna rahvarõivapruntsi perrä. Baari sainapiltõ päält kaeseq vasta Võromaalt peri inemiseq, kinka nimi ja tegemiseq ommaq joudnu näide kodokotussõst kavvõmbalõ.

[Restoraan]Restoraani aknist om nätäq ilosat pedäjämõtsa. Nii et sääl om hää istu ja pääst pühki liinaelo murrõq, kullõlda muusikat ja maitsa süüke ja juukõ hään seltskunnan. Restoraani küük tege paigapääl kasunu kraamist hüvvi süüke. Ütskõik, kas tulõ latsõ sündümise päävä pido, uhkõ vastavõtt vai määneki firmapido – kokaq ja tõsõq tüütäjäq tegeväq õks kõkkõ üttemuudu häste.

[Restoraan]Et süük parõmb olnu, antas söögi mano ka hüvvä veini. Viil sa telli süüki majast vällä (catering). Vastavõtu- vai pidorahvast mahus restoraani 130 inemise ümbre. Baarin saa juvvaq mitund sorti kohvi ja kokkosegätüid juukõ. Restoraan om valla hummogu kellä säitsmest nika ku õdagu kellä kümneni. Suvõaigu om restoraan valla kellä ütetõistkuni õdagu.

[Baar]Kipõ ettekandminõ ja häämaigulinõ kolmõ käügiga süük tegevä olõmisõ hääs. Suvõaol ommaq restoraani man välälavvakõsõq ja liha küdsämise kotus. Kiä taht, saa võtta matkalõ vai jalotama söögikorvi üten.

Kubija á la carte menüü 2009 (pdf)

Kubija grupimenüü 2009 (doc)